# 绣荷包 过昭容录 杨凤宝：东天日出太阳高，小奴房中困晏朝，天天老早抽身起，今朝陪仔恩相好，仅仅一忽醒来，辰光已经不大早，瞒仔后生身落起，搭俚被头盖盖好，我家私情啥浪起，姆妈出外香来烧，小女立在门口头，来了后生陆阿光，问我立勒门口因何事，要望幸福啥人到，我说望伲姆妈娘，烧香未归我心焦，姆妈不在家庭内，求你妹妹望里跑，吓得面孔通红身朝里，偷情郎子跟我跑，跟我走到厅堂上，拿我一把罗裙手里撩，双膝跪在尘埃地，哀哀求告妹多娇，披钉要东壁头上千年锈，烧香总要境苦庙，接人要老太太，千条路上造顶桥，救人非救其别个，救我未曾讨家小，铁打心肠郎求软，双手起陆阿兆，求得嘿还答，好象黄梅天发水淘淘，求我日间不象样，我说要末夜里进房跑，昨夜到我房头来，谈谈讲半夜高，大家提起终身事，我不嫁来不讨，口说无凭不用，各赠表记合到老，后生有心进房来，赠我一根绿丝，我别样都没有，许一只小荷包，后生胭勒房间里，我到房荷包，针家生拿过来，再拿绷架撑撑好，穿好针呆思想，要精那一样来那一条，收针容易起针难，针上针下绣荷包，第一绣，绣呀，要呀，要精天上明星月呀明星月嗳，第二绣，平阳之地造仙桥呀造仙桥噢，第三绣，绣呀，要呀，要白鹤童子啣仙草呀啣仙草噢，第四绣，张飞喝断坝陵桥呀坝陵桥噢，第五绣，呀，要呀，要绣五爪金龙盘玉柱呀盘玉柱咦，第六绣，西湖景致六条桥呀六条桥，第七绣，绣呀，要呀，要绣七星归还一个一个远空挂呀远空挂哦，第八绣，八仙过海浪滔滔呀浪滔噢，第九绣，绣呀，要呀，要锈九代荣华不分家呀，第十绣，王母娘娘献蟠桃呀献蟠桃噢。 杨凤宝：绣好荷包扭身起，要到厨房面汤烧，荷包挂在高椅上，回身得博往里跑，双脚走到厨房下，手拿勺子水来，一灶上来一灶下，灶上灶下面汤烧。 陆阿兆：忽听外头有人，惊动我房中陆阿兆，外床里床摸一摸，勿见妹妹杨凤宝，妹妹妹妹到那里去哉，噢，昨日夜里搭我说格，一早要起来绣荷包，一定来勒绣房里。 陆阿兆：被头筒里抽身起，四肢无力伸懒腰，着好衣裳身朝外，要到绣房妹妹找，走出房中绣房进，勿见妹妹我相好，妹妹不知那里去，看见高椅上有荷包，拿只荷包探下来，喔唷，格只荷包刮刮叫，我来赞两声。 陆阿兆：第一绣，绣呀，要呀，要锈天上明星月呀明星月嗳，第二绣，平阳之地造仙桥噢，第三绣，呀，要呀，要锈白鹤童子脚仙草呀仙草噢，第四绣，蝴蝶双飞抱郎腰呀抱郎腰噢，第五绣，呀，要呀，要绣五爪金龙盘玉柱呀盘玉柱，第六绣，西湖景致六条桥呀六条桥噢，第七绣，呀，要呀，要绣七星归还一个一个远空挂呀远挂哦，第八绣，八仙过海浪浴呀浪滔噢，第九绣，绣呀，要呀，要绣张飞喝断坝陵桥呀坝陵桥噢，第十绣，王母娘娘献蟠桃呀献蟠桃噢。 陆阿兆：看好荷包暗思想，拿只荷包坑坑好，东不坑来西不坑，衣裳管里藏坑好，走出望朝里，一脚踏进厨到，看见妹妹来烧火，灶上灶下面渴烧，也勿上前喊应倒，到俚背后掰住腰。 杨凤宝：啊唷，啥人，我搂你一吓得勒。 陆阿兆：我觉来外床摸摸勿见你，里床摸摸勿见妹妹，我想攒勒大老鼠啣去哉，敬而我寻到厨房里来勒。 杨凤宝：你房里出来锈房里可会去。 陆阿兆：无没去，我一脚到革搭来格。 杨凤宝：指面吧，水好哉。 陆阿兆：我昨夜搭你得热勒，汗出仔交关，妹妹你也出汗，我来搭你楷楷，头脱开来，胸前头也楷楷。 杨凤宝：我是勿要，你自家楷楷清爽。 陆阿兆：我楷好哉，水倒。 杨凤宝：阿哥，搭你一道到房里去，我有一样好物事，拿你看看。 陆阿兆：噢，跟你去，走啊，一定是只荷包，我勿答说哉，要骗骗勒。 杨凤宝：啊唷，有一样物事勿来里哉。 陆阿兆：啥格物事。 杨凤宝：一只荷包，我挂勒高椅上格，阿哥阿看见。 陆阿兆：荷包看见格，来勒糖行里。 杨凤宝：勿是格种荷包，我锈格荷包。 陆阿兆：格是我不晓得，你挂勒高椅上，向高椅去拿。 杨凤宝：阿哥你说话勿对，一定是你拿格，让我搜搜。 陆阿兆：慢慢交，难冤屎难吃，搜得着那能，搜不着那亨。 杨凤宝：搜着仔罚你，搜不着罚我。 陆阿兆：搜不着罚你一桌酒，搜得着，罚我一年到头住勒你房里。 杨凤宝：你身上让我搜。 陆阿兆：搜我身上篇定，喏，你搜末哉。 杨凤宝：我来搜还是你自家拿出来。 陆阿兆：你看帽子里阿有，鞋子里阿有。 杨凤宝：没。 陆阿兆：没末一桌酒水攒我。 杨凤宝：手里无没搜，左手让我搜。 陆阿兆：我要旋个身格，一旋，你搜好勒。 杨凤宝：勿对，你旋个身末过门脱哉，要搜右手。 陆阿兆：要搜右手，我更旋博，喏，你搜阿有。 杨凤宝：你又过门脱哉，一定来勒你衣裳管里，两只手一道来搜。 陆阿兆：格末没生路，想着哉，拿俚夹勒屁眼里，妹妹搜两只手，我再旋身，喏，你搜好勒。 杨凤宝：两只手里无没，你背后头让我搜，还来。 陆阿兆：那末口法想，就还博来。 杨凤宝：阿是你拿格，屁眼里落出来哉。 陆阿兆：妹妹我拿是无没拿，我来勒高椅上坐一歇格，要末花毛格，我格毛蓝布衣裳也是毛格，毛碰毛，得出来哉。 杨凤宝：得勿牢格。 陆阿兆：得得牢格，我和你昨夜两家头，肉碰肉阿得牢格。 杨凤宝：阿哥勿要说笑话，革只荷包阿好，阿欢喜，勒你阿会挂。 陆阿兆：挂也勿会挂，我往钩上一挂。 杨凤宝：勿对格，要挂勒你身上格。 陆阿兆：挂勒我身上，还是上点，还是下点。 杨凤宝：上点。 陆阿兆：上点末我挂勒额角头上。 杨凤宝：额角头上挂不牢格，再下点。 陆阿兆：下点宋挂勒脚板头上。 杨凤宝：格是不会挂格，我来搭你挂，挂勒大襟头上。 陆阿兆：到好个。 杨凤宝：我要问你，假使有人问起革只荷包，你那能说法。 陆阿兆：荷包挂勒头上，我是街坊走街坊跑，朋友弟兄来碰着，问起革只好荷包，问我荷包那里来，我说妹妹绣妹妹挑，妹妹手段实在好，妹妹搭我挂荷包。 杨凤宝：阿哥，为啥说我来说我挂，朋友弟兄全知道，好象青竹棒掏屎坑，你掏到臭淘淘，死人臭来臭一方，活人臭四面八方全知道，假使有人搭我做媒人，好象黄板上隔夜豆腐无人撩。 陆阿兆：妹妹不要急不要吵，黄板上隔夜豆腐我来撩，你啥叫我不能说，说啥人锈来啥人挑，啥人搭我挂荷包。 杨凤宝：朋友弟兄问起来，假使你啥还报，我来教你好办法，说你家婆绣家婆挑，家婆搭你挂荷包。 陆阿兆：勿说家婆倒就罢，要说家婆来家婆挑，家婆搭我挂荷包，朋友听见暗好笑，家主婆是鸭脚手，十只指头一连瓣格，勿会个。 杨凤宝：我勿相信，女人针生活全会做个。 陆阿兆：勿相信我告诉你听听，有一日我搭俚说，别人个女人真会做人，你一点不懂客气，舆算勿会做人，明朝我有朋友来，答我做做人，回答晓得，做人末啥勿会做呢，你去买袋干面转来，我就去买袋面粉，我想要末裹馄饨吃，定是做饺子，明朝来朋友来哉，请朋友坐欤，我去做人，我想今朝客气个，歇仔一歇，我到灶跟头去看看，个笨货做人，做得起劲唻，灶头上全是个粉人人，我就问俚勒浪做啥，回答我你叫我做人，我手脚阿快，一歇歇做交交关人，我也气得笑勿出，有仔气那能会笑，我叫又好气又好笑，看见粉人人也有男也有女，做则象，故而气到笑不出，我就招呼朋友坐歇，我去买肉，买点百页，拿转来叫俚百页篇肉，我搭朋友来勒客堂里谈谈，歇仔一歇我到灶根头去看着，肉阿好吃仔，看见个只笨货，拿格肉挂勒上头梁上，拿格百页望准仔肉浪，乒乒乓乓篇仔个起劲，我说你勒浪做啥，就为人杀千刀，当我上，叫我百页笃肉，百页全脱，肉末动也勿动，原是生个，我想朋友来里，免淘气，再去买点卜，拿转来叫卜烧肉，问阿会烧，啊唷，卜烧肉顶顶省力，你去陪歇朋友，我烧好仔拿出来也，我就去陪朋友，等仔一歌我进去看看，故个笨货，头末支到灶堂里，拿个火筒来浪吹勒，我问俚浪做啥，倒黑人杀千刀，买洛卜烧全烧勿着格，潮藕卜买做啥，我说你个笨货，蒸卜烧肉，拿藕卜千净，切切瘾刀块，我看好仔，拿把刀右手传到左手一刀，我说只要个特噜切一刀，格笨货，俚自家个人个特噜切一刀，转搏头昏，就覆勒灶脚弄里，一顿饭原是我自家动手烧熟格，后来我剪仔布斗倒做单被，我问里阿会做，说做仔个女人，单被阿勿会做，你布放勒浪，到夜里保你有得盖，我出门去做工，俚到隔壁去问二叔婆，阿有单被样接一个我，吃着二叔婆，兆观新娘娘，鞋有样袜有样，蒲鞋无样脚来相，若要问我单被样，只要搭天井明堂一样生，俚跑起路来埋勒埋，到屋里拿个布，照仔明堂有一口井，就开个洞，有一棵树，也开个洞，到仔夜里，我问俚单被可会做好，回答我做好仔长远，你去好勒，我来搭你盖，也来则拿个井洞套勒我头上，树洞套勒自家头上，我咽下去坐起来，俚咽下去找坐起来，两家头全象板鱼，我问啥个道理，倒说当心勿要跌勒井里，我想床浪有仔井哉，单被啥人教你做个，说二叔婆搭我说，象天井明堂一样生，我又无没做错，我说你个脚冰冰阴，明朝我去点布，做儿双卷膀着着，噢晓得我，你拿布来，我布接勒俚仔又去问二叔婆，二叔婆阿有卷膀样一个我，兆观新娘娘，鞋有样袜有样，卷膀无没样，只要搭庭柱一样生，个笨货，转来拿格布绕勒庭柱上，到仔夜里，我腿仔个脚伸得来，原是冰阴，我问俚做个卷膀为啥勿着，俚说嘛处拿下来，我说为啥处拿，俚来勒庭柱上，拿把锯子去截断仔庭柱好拿下来，笨货，截断庭柱房子勿要塌脱格，我叫俚拿布拆下来做条裤子着着，俚又去问二叔婆，二叔婆对俚说裤子没样，只要搭磨夯一样生，简个笨货拿个布全去绕勒磨夯浪，到仔夜里，仔脚原是冰阴，我问俚裤子阿做好，好仔长远，我说你做啥勿着，回答我处拿下来，我问来啥场化，说来磨夯上。 陆阿兆：说着家婆心上恨，鸭脚手个家婆我不要，难为洋有几百，退还俚娘家转家跑，荷包只好说你妹妹绣，说你妹妹挂，荷包要说从前笨货，朋友听见暗好笑。 杨凤宝：阿哥说我绣来说我挂，总规有点勿大好，假使朋友问起来，说家婆绣家婆挑，腰说家婆挂荷包，也说我绣说我挑，说我搭你挂荷包，朋友门前掉枪花，只说街上买荷包。 陆阿兆：妹妹我记性勿大好，要忘记格，来操操辣，你做我朋友，我算上街去，叫街上踱踱，瓜子剁剁，香烟呼呼，大阿哥。 杨凤宝：二兄弟，长远不见。 陆阿兆：你好，一道街上去。 杨凤宝：二兄弟你个荷包倒嘛啥，那里来格。 陆阿兆：我来街上买个。 杨凤宝：啥格店里买格。 陆阿兆：南货店里买格。 杨凤宝：南货店里没格。 陆阿兆：简末啥格店里买格，我又不懂个。 杨凤宝：要说锦货店里买格。 陆阿兆：再来，街上去，大阿哥，长远不见。 杨凤宝：二兄弟，你只荷包啥地方买格。 陆阿兆：锦货店里买格。 杨凤宝：几伙锅。 陆阿兆：你搭我说。 杨凤宝：朋友起来二分八十四。 陆阿兆：要说二分八十四啊。 杨凤宝：说仔二分，勿要说八十四，说仔八十四，说二分，记牢，你说讨过格家主婆笨，你也笨勒。 陆阿兆：妹妹，我搭你缠格，二分就是八十四，八十四就是领二分，碰着仔朋友会说哉。 杨凤宝：阿哥今朝光早，五月天气能介热，我你二人花园跑，花园里去乘风凉，谈谈终身好不好。 陆阿兆：跟动妹妹望朝里，踏出房弄堂到，妹妹十指门来开，园里景致果然好。 杨凤宝：花园景致我看，有一处地方乐逍遥，阿哥跟我身朝前，芭燕树底下顶顶好。 陆阿兆：跟你走到芭蕉树，抬头一看不大好，别样物事都没有，只听见唔哩唔哩苍蝇叫，我劝妹妹不要看，我你还是望前跑。 杨凤宝：阿哥我看苍蝇最欢喜，越看心里越发好，常常走来看苍蝇，一个人看看无味道，芭蕉树上能许多，我同阿哥能个巧，二人跑上假山石，来赶蝇飞一道。 陆阿兆：妹妹勿要看。 杨凤宝：我要看格。 陆阿兆：看不得格。 杨凤宝：勿要紧，来赶勒一道去。 陆阿兆：就来赶勒一道，两行赶过来，我来赞两声。 合　唱：喏喏喏喏喏雌苍蝇末息在芭蕉树呀芭蕉树，雄苍蝇末，飞来飞去，飞东飞西，飞南飞北，飞高飞低，飞到芭蕉树呀芭蕉树，你看雌蝇尾巴挠起，雄蝇尾巴拆下，一对一对，真有趣呀具有趣，喏喏喏嘴看到蝇也会成双对呀成双对，想到我，妹妹无夫，阿哥无妻，两相情愿，同心合意，一对好夫妻。 陆阿兆：着仔苍蝇真正好，看到我妹妹浑淘淘，二人回到房里去，大家主意要打牢。 杨凤宝：我与你活在阳间同罗幔，死后与你一同跑。 陆阿兆：我是一个穷汉，将来勿要喊懊恼。 杨凤宝：我不贪财物中意你人，就是讨饭跟你跑。 陆阿兆：有情有义好妹妹，同心同意合到老。